Арассыыйа Украинаны кытта сыһыанын тула тыа сирин дьоно-сэргэтэ санааларын үллэстэллэр.
Өлөөнтөн «Биир ньыгыл Арассыыйа» партия уопсастыбаннай приемнайын салайааччыта, улуус мунньаҕын дьокутаата Алла Петрова:
—Украинаҕа буола турар балаһыанньаны сонуннартан истэ-көрө олоробут. Бу быһыы-майгы киһини улаханнык долгутар. Арассыыйа өттүттэн дьон эйэлээх, дьоллоох олоххо олороллорун туһугар өйөбүл оҥоһуллар. Маныаха билигин өйү-санааны булкуйа сатыыр араас олоҕо суох информационнай иһитиннэриилэртэн дьон-сэргэ сэрэниэн наада. Онон өйдөтөр үлэ тиһиктээхтик ыытыллара ордук. Онуоха РФ Бырабыыталыстыбата «Объясняем.рф» порталы үлэлэтэн эрэрэ үчүгэй. Уустук кэмҥэ бэйэ-бэйэбитин кытта сомоҕолоһуоҕуҥ, өйөһүөҕүҥ, түмсүүлээх буолуоҕуҥ. Оччоҕуна эрэ ханнык да мэһэйи, харгыһы, уустугу этэҥҥэ туоруохпут. Бары биир Ийэ Сир дьонобут, уустук кэмҥэ сомоҕолоһуубут хайаан да үтүө түмүгү биэриэҕэ диэн эрэнэбин.