Олунньу бүтүүтэ Саха сиригэр остуоруйаҕа курдук солуоматтан оҥоһуллубут дьиэ үлэҕэ киирбитэ. Экспериментальнай дьиэни урбаанньыт Михаил Александров тутта.
edersaas.ru
Амма улууһун Маай нэһилиэгин олохтооҕо пириэстэммит бурдук отуттан панеллары оҥорон таһаарынан былырыыҥҥыттан дьарыктанар.
— Ааспыт сыл күһүҥҥүтүттэн тутууну саҕалаабыппыт. Панеллар түргэнник уонна чэпчэкитик оҥоһуллаллар эбит. Күүстээх тымныылар иннилэринэ киин ититиигэ холбоно охсубуппут. Уонна бу Саха сирин кыһыныгар матырыйаалбытын бэрэбиэркэлээтибит.
Матырыйаал састаабын, төһө көдьүүстээҕин ХИФУ эспиэрдэрэ ахсынньыга үөрэппиттэрэ. Ол түмүгэр, матырыйаал экологияҕа туһатын, сылааһын бэлиэтээбиттэрэ.
Дьиэ үөрүүлээх аһыллыытыгар СӨ Урбаан, туризм уонна атыы-тутуу миниистирэ Ирина Высоких сырытта:
— Михаил Петровичтыын былырыын билсибиппит. Кини миэхэ кэлэригэр урбаанньыт да буолбатах этэ. Амматтан бэрт интэриэһинэй идиэйэлээх кэлбитэ. Ол түмүгүн бүгүн көрдүбүт. Мин саныахпар, бу матырыйаал туризм салаатыгар киэҥник туттуллуон сөп, – диэн миниистир бэлиэтээн эттэ.
edersaas.ru
Хаартыска Тыа хаһаайыстыбатын министиэристибэтиттэн