Баайга-дуолга уонна сиргэ сыһыаннаһыы министиэристбэтэ судаарыстыбаннай өҥө сайтыгар Уһук Илин гектарыгар сыһыаннаах ыйытыкка кыттарга ыҥырар.
edersaas.ru
Онуоха биир эрэ ыйытыы бэриллэр: Уһук Илиҥҥи гектар сокуонун чэрчитинэн, сир учаастагын ылар санаалааххын дуо? Бу ыйытыкка кыттаҥҥыт, эһиги тустаах сокуон олоххо көдьүүстээхтик киллэриллэригэр бэйэҕит кылааккытын киллэриэххит.
Санатан эттэххэ, “Уһук Илиҥҥи федеральнай уокурук састаабыгар киирсэр РФ субъектарын сиригэр-уотугар судаарыстыбаннай, муниципальнай бас билиигэ баар сир учаастактарын гражданнарга биэрии уратытын уонна РФ сорох сокуоннарын актатыгар уларытыылары киллэрии туһунан” сокуона 2016 сыл бэс ыйын 1 күнүттэн үлэлиир. Бу сокуон чэрчитинэн, Саха Өрөспүүбүлүкэтигэр, Приморскай, Хабаровскай кыраайдарга, Еврей автономнай уобалаһыгар, Амур, Магадан уобаластарыгар, Камчаткаҕа, Сахалиҥҥа, Чукоткаҕа сир учаастага бэриллэр. 2019 сылтан бу сокуоҥҥа Бурятия өрөспүүбүлүкэтэ уонна Забайкалье кыраайа хабыллыбыттара. Быйылгы сыл атырдьах ыйын 1 күнүттэн сокуона Карелия, Коми өрөспүүбүлүкэлэригэр, Красноярскай кыраайга, Архангельскай, Мурманскай уобаластарга, Ненецкэй, Ямало-Ненецкэй автономнай уокуруктарга эмиэ үлэлээтэ.
Раиса Сибирякова, «Саха сирэ» хаһыат, edersaas.ru