Бэлиитикэ Тыа хаһаайыстыбата

Сокольников быраас аатын алмааска иҥэрэр туһунан Чурапчы баһылыгын көҕүлээһинин Айсен Николаев өйөөтө

Саха алмааһыгар сахаттан маҥнайгы быраас Прокопий Нестерович Сокольников аата иҥэриллиэҕэ диэн Чурапчы улууһун быһылыга Андрей Ноговицын онлайн эрэсииминэн ыытыллыбыт ыһыахха иһитиннэрдэ.

edersaas.ru

– Быйылгы 2021 сыл  пандемиянан сибээстээн медицина уонна эмчит үлэтин суолталарын  күүһүрдэр инниттэн,  өрөспүүбүлүкэҕэ уонна Чурапчы улууһугар Доруобуйа сылынан биллэриллибитэ. «Саха АССР 100 сылынан — 100 ааттаах алмаас» бырайыак чэрчитинэн, ааттара алмааска иҥэриллэр саха чулуу дьонун испииһэгэр биһиги киэн туттар биир дойдулаахпыт, сахаттан бастакы үрдүк анал үөрэхтэх быраас Прокопий Нестерович Сокольников аата киирэн турар. Прокопий Нестерович олоҕо норуот туһугар бэриниилээхтик үлэлээһин холобура буолар, – диэтэ Андрей Ноговицын.

Улуус дьаһалтатын, «П.Н.Сокольников аатынан улуустааҕы кин балыыһа» судаарыстыба бүддьүөтүн тэрилтэтин кэлэктиибин, улуус баһылыгын иһинэн тэриллэн үлэлиир уопсастыбаннай сэбиэт саха маҥнайгы бырааһа, патриот Прокопий Нестерович Сокольников аатын алмааска иҥэрэр туһунан көҕүлээһиннэрин уонна хадаатайыстыбаларын Ил Дархан Айсен Николаев өйөөбүтэ. «Саха АССР 100 сылынан — 100 ааттаах алмаас» бырайыак чэрчитинэн, ааттара алмааска иҥэриллэр өрөспүүбүлүкэ чулуу дьонун испииһэгэр Сэбиэскэй Сойуус Дьоруойдара, Социалистическай Үлэ Дьоруойдара, өрөспүүбүлүкэ судаарыстыбаннай диэйэтэллэрэ, историческай личностар ааттара баар. Бу туһунан улуус пресс-сулууспата иһитиннэрэр.

Раиса Сибирякова, «Саха сирэ» хаһыат, edersaas.ru

0
0