Бу сыл «Сохраним лес” Бүтүн Арассыыйатааҕы тыаны сөргүтүү аахсыйатын чэрчитинэн, Саха сиригэр 10 тыһыынчаттан тахса маһы олордуохтара.
Билигин олордуллуохтаах учаастактары бэлэмнээһин үлэтэ бара турар. “Сохраним лес” аахсыйаҕа олохтоох дьон кыттыһыахтарын сөп. Ону таһынан, номнуо төрдүс сылын бу аахсыйаҕа волонтердар көхтөөх кыттыыны ылаллар.
“Куорат таһыгар эрэ буолбакка, баһаар ааспыт сирдэригэр сөргүтүү үлэтин ыытыах тустаахпыт. Бу киэҥ далааһыннаах үлэни сыллата ыыта туруохтаахпыт”, — диэн Айсен Николаев инники сылга сорудаҕы туруоран эттэ.
Олордуллуохтаах маһы Хабаровскай кыраайга үлэлиир “Растим лес” тепличнай комплекс ыытыаҕа.
Билигин Нерюнгри таһынааҕы Хатыминскай тыа хаһаайыстыбатыгар 500 га иэннээх сиргэ мөлүйүөн кэриҥэ маһы олордубуттара.
edersaas.ru