Софрон уонна Семен Даниловтарга аналлаах пааматынньык аһыллыаҕа

Балаҕан ыйын 27 күнүгэр Саха сирин Судаарыстыбаннаһын күнүн бэлиэтиэхпит. Бу ураты күҥҥэ анаан   Семен, Софрон Даниловтарга    аналлаах пааматынньык  үөрүүлээх быһыыга-майгыга аһыллыаҕа.

Пааматынньыгы Платон Ойуунускай аатынан Судаарыстыбаннай бириэмийэ лауреата, РФ үтүөлээх худуоһунньуга Семен Прокопьев уонна  СӨ бочуоттаах архитектора  Алексей Самсонов оҥордулар. Үтүө тэрээһиҥҥэ өрөспүүбүлүкэ салалтата, уопсастыбаннаһа, култуура биллэр-көстөр диэйэтэллэрэ, улуу дьоммут чугас аймахтара, Софрон Данилов кыыһа философия наукатын дуоктара Вера Данилова кыттыыны ылыахтара.

edersaas.ru