Софияҕа буола турар «Дан Колов уонна Никола Петров» турнирга саха бөҕөстөрө кытталлар

Ааптар: 
23.03.2018
Бөлөххө киир:

Бүгүн, кулун тутар 23-гэр, Болгарияҕа ыытыллар «Дан Колов уонна Никола Петров» норуоттар икки ардыларынааҕы 56-с турнир иккис күнүгэр, саха тустууга оскуолатын түөрт иитиллээччитэ көбүөргэ тахсыаҕа.

edersaas.ru

Ол курдук, 57 киилэҕэ диэри ыйааһыҥҥа Белоруссияттан аан дойду чөмпүйэнээтин призера Владислав Андреев уонна “Александр Медведь” норуоттар икки ардыларынааҕы турнир кыайыылааҕа Андрей Бекренев, Македонияттан Владимир Егоров, Арассыыйа сүүмэрдэммит хамаандатыттан норуоттар икки ардыларынааҕы кылаастаах спорт маастара Михаил Иванов тустуохтара.

Дьокуускай бириэмэтинэн киэһэ 23-00 чаастан саҕалаан Владислав Андреев Арассыыйа чөмпүйүөнэ, “Иван Ярыгин” турнир кыайыылааҕа Завур Угуевы, Андрей Бекренев – Турция, Владимир Егоров — Корея, Михаил Иванов — Болгария бөҕөстөрүн кытта киэн көрсүөхтэрэ. Бу ыйааһыҥҥа барыта 18 спортсмен күүһүн холоһуо.

Оттон 97 киилэҕэ диэри ыйааһыҥҥа Арассыыйа призера Евгений Коломиец сарсыҥҥыттан күрэхтэһиэҕэ.

Роман Попов, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0