Социальнай өйөбүл калькуляторын көмөтүнэн оҕолоох ыал ханнык төлөбүрдэри ылыан сөбүй?
Социальнай өйөбүл калькуляторын көмөтүнэн оҕолоох ыал ханнык төлөбүрдэри ылыан сөбүн кытта билсиҥ.
Эрэгийиэннээҕи e-yakutia.ru порталга «Оҕолоох ыалга социальнай өйөбүл калькулятора» диэн саҥа оҥо үлэҕэ киирдэ.
Социальнай калькулятор ыйытык форматынан таҥыллыбыт – көмөлөһөр ыйытыылар көмөлөрүнэн уонна дохуоттарын быһа холоон ааҕыынан сирдэтэн көмө кээмэйин суоттуурга аналлаах. Бу калькулятор көмөтүнэн ыал төһө кээмэйдээх төлөбүрү ылар бырааптааҕын суоттаан таһаарар.
Бу өҥө көмөтүнэн 22 социальной көмө көрүҥнэрин бииргэ холбоон сөптөөх суоттааһыны оҥоруохха сөп. Калькуляторга социальнай көмөнү электроннай ньыманан оҥорор ссылкалар бааллар:
| Социальнай көмө миэрэтэ | |||
| 1 | Оҕо төрүүрүгэр биир кэмнээх босуобуйа | ||
| 2 | Оҕо балтараа сааһыгар диэри төлөнөр ыйдааҕы босуобуйа | ||
| 3 | Эдэр дьиэ кэргэҥҥэ маҥнайгы оҕолорун төрүүрүгэр биир кэмнээх төлөбүр (үс ыйыгар диэри саастаах оҕону иитиэх ылыы) | ||
| 4 | Маҥнайгы оҕолорун төрүүрүгэр биир кэмнээх төлөбүр. 01.01.2019 сылтан ыла | ||
| 5 | Маҥнайгы оҕолорун төрүүрүгэр ыйдааҕы төлөбүр, 01.01.2018 сылтан ыла. | ||
| 6 | Призыв быһыытынан байыаннай сулууспаҕа сылдьар киһи оҕотугар ыйдааҕы төлөбүр | ||
| 7 | Оҕоҕо ыйдааҕы төлөбүр | ||
| 8 | Маҥнайгы оҕоҕо анаммыт ийэ (дьиэ кэргэн) хапытаалыгар судаарыстыбыннай сертификат ийэ (дьиэ кэргэн) хапытаалыгар судаарыстыбыннай сертификат | ||
| 9 | Ийэ (дьиэ кэргэн) хапытаалыгар судаарыстыбыннай сертификат | ||
| 10 | Ийэ (иитиэх ылыы) хапытаалыгар эрэгийиэннээҕи сертификат | ||
| 11 | |||
| 12 | Өрөспүүбүлкэтээҕи ийэ хапытаала | ||
| 13 | «Саха сирин элбэх оҕолоох дьиэ кэргэнэ” статус иҥэриитэ | ||
| 14 | Үһүс оҕо төрүүрүгэр ыйдааҕы төлөбүр | ||
| 15 | Элбэх оҕолоох дьэ кэргэҥҥэ сыллааҕы компенсация төлөбүр | ||
| 16 | 3-тэн 7-гэр диэри саастаах оҕолорго ыйдааҕы төлөбүр (суоттааһын барыла) | ||
| 17 | Үс уонна үстэн элбэх оҕолоох РФ гражданнарын сир учаастагын биэриигэ уочаракка туруоруу | ||
| 18 | Элбэх оҕолоох ыал ипотекатын сабыы (кэрэдьиит эбэтэр иэс ылыы дуогабара 2023 сыл от ыйын 1 күнүгэр диэри түһэриллибит буолуохтаах) | ||
| 19 | Дьиэ кэргэни (соҕотох олорор киһини) тиийиммэт дохуоттааҕынан билинии туһунан ыспыраапканы туттарыы. Бу ыспыраапка маннык түгэннэргэ ирдэниэн сөп:
Кыһыл оҕо таҥаһын роддомҥа ыларга; Оҕо үс сааһын туолуор диэри үүт кухняларын ситимин хааччыйыытыгар турууга; Оҕо уһуйааныгар төрөппүт төлөбүрүн сороҕун судаарыстыба уйунарыгар (20% — маҥнайгы оҕоҕо, 50% — иккис оҕоҕо, 70% — үһүс уонна үһүс таһынан оҕолорго); Уо.д.а. |
||
| 20 |
8-тан 17-гэр диэри саастаах оҕолорго ыйдааҕы төлөбүр (суоттааһын барыла)
|
||
| 21 | Пушкин каартата | ||
| 22 |
“Үйэ оҕолоро” Саха Өрөспүүбүлкэтин целевой хапытаала |
||
Социальнай калькуляторынан туһанар туһугар e-yakutia.ru порталга Госуслуги регистрацияламмыт учуотунай сурутуугутунан киириэххэ сөп. Көрдүүр строкаҕа “калькулятор” диэн суруйан тута булуохха сөп.
Булан баран туох баар строкалары олоччу толороҕут, ол иһигэр ыйыллыбыт кэм иһигэр ылбыт дохуоттаргыт туһунан. Сорох төлөбүрдэр 12 ый иһигэр киирбит дохуоттара ааҕыллаллар, сорохтор 4 эбэтэр 6 ый иннинэ кэмтэн 12 ыйдааҕы киирбит дохуоту учуоттаналлар, ону сөпкө ааҕар туһугар строка утары ыйдара ыйыллар.
Форманы толорон баран тахсыбыт түмүктэри кытта билсиээхитин сөп:
- Калькулятор төһө кээмэйдээх көмөнү ылыахтаахытын суоттуур.
- Билиҥҥи кэмҥэ төлөбүр кээмэйин көрдөрүө (регистрацияламмыт, олорор сиргититтэн тутулуктаах)
- Өҥөнү ылыыга сурутуу электроннай ссылкатын көрдөрүө.
Калькуляторынан бу ссылка нөҥүө туһаныаххытын сөп: https://e-yakutia.ru/#/shortCard/1400000000001488800.
Калькулятор суоттаан таһаарбыт сыыппарат билсэргэ аналлаах барыл буолар.
Чэпчэки уонна табыгастаах! Портал e-yakutia.ru
Хаартыска: scbt.nfo