Доруобуйа

Собянин быһыыны ылбыттарга кыбартыыра оонньотор туһунан биллэрдэ

COVID-19 утары быһыыны ылбыт киһи кыбартыыра сүүйэн ылыан сөбүн туһунан Москва мээрэ Сергей Собянин “ТВ Центр” телеханаалга биэрбит интервьютугар эттэ: “Кэлэр нэдиэлэттэн ким быһыы ылбыкка биэс нэдиэлэ устата 10 кыбартыыраны оонньотуохпут”.

Кини бу дьаһал быһыыны ылары көҕүлүө диэтэ.

“Ол эрээри бу барыта эбии көҕүлээһин. Сүрүн көҕүлээһин – бу киһи тус доруобуйата”, — диэтэ дойду киин куоратын мээрэ.

Москва мээрин дьиҥ таһымнаах саайтыгар иһитиннэрбиттэринэн, биир хостоох кыбартыыралары сүүйэр оонньотууга 18-н аҕа саастаах РФ гражданнара кытталлар, кинилэр Москватааҕы ОМС полистаах уонна быһыы бастакы компоненын ылбыт эбэтэр ревакцинацияны ааспыт буолуохтаахтар.

Бастакы сүүйүүлээх оонньотуу алтынньы 27 күнүгэр “Москва 24” телеханаалга ыытыллыаҕа. Манна алтынньы 18 күнүттэн 24 күнүгэр диэри быһыы ылбыттар кыттыахтара. Салгыы сүүйүүлээх оонньотуу хас сэрэдэ ахсын буолуоҕа. Бүтэһик оонньотуу – сэтинньи 24 күнэ.

Хас нэдиэлэ ахсын биэс нэдиэлэ устата Москваҕа биирдии хостоох иккилии кыбартыыраны туруоруохтара.

Аахсыйаны Москватааҕы эргиэн-бырамыысыланнай палатата көҕүлээтэ, оттон бириистэри тутааччылар туруордулар. “Вакцина – твой ключ к здоровью” саҥа аахсыйа Москваҕа бу саас уонна сайын ыытыллыбыт быһыыны ылыыны көҕүлүүр миэрэлэри салгыыр.

Любовь Проценко, “Российская газета” хаһыат

Хаартыска: Вячеслав Прокофьев/ТАСС/

Бэлэмнээтэ Женни Стрюкова

0
0