Муома улууһугар «Төрөөбүт дойду култуурата» бырайыагынан, Соболооххо сынньалаҥ дьиэтигэр саҥа тэриллэр ылылыннылар.
Уот-күөс, тыас-уус тэриллэрэ, музыка үстүрүмүөннэрэ, музыканы, тыаһы-ууһу оҥорорго көмөлөөх пульт, колонкалар ылыллыбыттар, сцена оҥоһуллубут.
Көрүллүбүт үп толору туһанылынна. Барыта 940 747,00 солк., итинтэн федеральнай бүддьүөттэн субсидия 880 628,31 солк. «Соболоохторго бу сынньалаҥ киинэ олох эргийэр киининэн буолар, мантан араас талааннаах ыччат үүнэн-сайдан тахсар. Бырайыак олоххо киллэриллэн, тэрилтэ материальнай-тэхиньиичэскэй баазата бөҕөргөтүлүннэ, нэһилиэнньэ тэрээһиннэргэ көхтөөхтүк кыттыыта улаатта. Билигин көрөөччүлэр тупсаҕай дьиэҕэ-уокка кэлэн астына, дуоһуйа сынньанар, кэнсиэр көрөр кыахтаннылар», — диэн сынньалаҥ дьиэтин кэлэктиибэ бэлиэтиир.