СӨ Үлэҕэ уонна социальнай сайдыыга миниистирин бастакы солбуйааччы И.И.Алексеев салалталаах СӨ Бырабыыталыстыбатын Муома улууһугар тэйиччиттэн отчуотугар дакылааты дьүүллэһии көхтөөхтүк саҕаланна.
Соболоох нэһилиэгин баһылыга Артур Тарабукин Соболоох оскуолата хаһан тутулларын туоһуласта. Ону тэҥэ биэлсэр пуунун тутуутун, буосталара баһаарга былдьаммытынан модульнай буостаны туруоруста. Хомойуох иһин, умайбыт буоста өрөмүөннэнэр кыаҕа суох диир баһылык. Онон “Арассыыйа Буостата” тэрилтэҕэ бу дьиэ үлэлииргэ сөбө суоҕун туһунан сурук суруйалларыгар этилиннэ.
Соболооххо успуорт саалатын хапытаалынай өрөмүөнэ киирбитэ, оскуола туһунан боппуруос суох диэн хоруйдаатылар. Оттон ФАП-тары тутууга өрөспүүбүлүкэ 81 эбийиэккэ 1 млрд тахса суумалаах сайаапканы түһэрбит. Онон сайаапкаларын бигэргэттэхтэринэ бу ФАП тутуутун уочаратын биэдэмистибэ хамыыһыйата быһаарыаҕа диэтилэр. ФАП-тарга Сааһыыр турар эбит былааҥҥа. Оскуоланы тутуу боппуруоһун отчуот кэмигэр чопчулуох буоллулар.
Сааһыыр нэһилиэгэр 80 миэстэлээх дьыссааты тутуу дакылаакка киирбэтэх диэн нэһилиэктэрин баһылыга П.Мараказов туоһуласта.
Киирбит ыйытыыларга министиэристибэлэр, биэдэмистибэлэр хоруйдаатылар.
Бэлэмнээтэ Женни Стрюкова
СИА хаартыската.