Бүгүн Дьокуускайтан Москваҕа, Санкт Петербурга көтүү билиэттэригэр чэпчэтиини көрүү боппуруоһун Арассыыйатааҕы Тырааныспар министиэристибэтигэр дьүүллэһиэхтэрэ.
edersaas.ru
Боппуруос ситиһиилээхтик быһаарылыннаҕына, 2022 сыл тохсунньу 1 күнүттэн чэпчэтиининэн нэһилиэнньэ чэпчэтиилээх араҥата эрэ буолбакка, Арктика улуустарын бары олохтоохторо туһаныахтара.
Ил Дархан иһитиннэрбитинэн, «Якутия» уонна АЛРОСА хампаанньалар сайаапкаларын номнуо түһэрдилэр.
Урут сөмөлүөккэ 2-3 субсидиялаах билиэт көрүллэр буоллаҕына, кэлэр сылтан хас биирдии рейскэ 9-10 билиэт бэриллэригэр эрэнэрин уонна салҕыы Арктика оройуоннарын ылсан үлэлиир былааннаахтарын туһунан СӨ Ил Дархана Айсен Николаев бэҕэһээ 2021 сыл түмүгүнэн суруналыыстары кытары пресс-кэмпэриэнсийэҕэ эттэ.
Манна сыһыаран эттэххэ, эһиил Дьокуускайтан улуус кииннэригэр көтөргө субсидияҕа анаан 100 мөлүйүөн солкуобай эбии бэрилиннэ.
Надежда ЕГОРОВА, «Саха сирэ», edersaas.ru
СИА хаартыската