Кыайыы пааркатыгар снайпер Иван Кульбертиновка пааматынньык туруорулунна.
Номох буолбут снайперга, Аҕа дойду уоттаах сэриитин хорсун-хоодуот буойунугар, эбээн норуотун чулуу уолугар Иван Кульбертиновка анаммыт пааматынньык Дьокуускайга, Өктөөп 50 сыла уулуссаҕа, Кыайыы пааркатыгар туруорулунна. Бу туһунан Архитектура уонна куораты тутуу управлениетын пресс-сулууспата маннык иһитиннэрэр.
Снайпер Кульбертиновка аналлаах скульптурнай композиция бырайыагын куонкуруһугар РФ худуоһунньуктарын сойууһун чилиэнэ, СӨ култууратын туйгуна, скульптор Николай Чоччасов уонна РФ, СӨ архитектордарын сойууһун чилиэнэ, архитектор Марина Рожина үлэлэрэ кыайыылааҕынан тахсыбыта.
—Пааматынньыгы оҥорууга Иван Николаевич уола Иван Иванович уонна төрүт олохтоох аҕыйах ахсааннаах хотугу норуоттар Ассоциацияларын, Өлүөхүмэ улууһун бэрэстэбиитэллэрэ кыттыыны ылбыттара үөрдэр. Иван Иванович үлэ саҕаланыаҕыттан түмүктэниэр диэри көрдө-иһиттэ уонна көрөн, санаатын этэн кыра көннөрүүлэри киллэттэрдэ, — диир скульптор Николай Чоччасов.
+1
+1
+1
+1
+1
+1
+1