«Смотри, это Россия!» диэн куонкурус дьон сэҥээриитин ылыан ылла. Бу тэрээһиҥҥэ СӨ Үүнэр көлүөнэ тус сыаллаах пуондата партнер быһыытынан кыттар. Ол быһыытынан пуонда куонкуруска Саха сириттэн кыттааччыларга анаан икки номинацияны эбии олохтоото.
«Ааспыт сыллааҕы тэрээһиҥҥэ анал наҕаадаларынан бэлиэтэниэн сөптөөх хамаандалар, биирдиилээн оҕолор элбэхтэрэ. Ол иһин быйыл Саха сириттэн кыттааччыларга эбии икки номинацияны киллэрэн биэрдибит. Бу күрэхтэһээччилэр өссө таһаарыылаахтык кытталларыгар төһүү күүһүнэн буолуо диэн эрэнэбин», — диэн СӨ Кэлэр көлүөнэҕэ тус сыаллаах пуондатын генеральнай дириэктэрэ Владимир Егоров санаатын үллэһиннэ.
Ол курдук, ураты видео-устуулаахтары уонна матырыйааллаахтары «Креатив в изучении своей малой родины» уонна Саха сирин туристическай кыаҕын үчүгэйдик арыйан көрдөрөр роликтаахтары «Юные амбассадоры своего региона» диэн номинацияларынан наҕараадалыахтара. Кыайыылаахтары сайыннарар аналлаах остуол оонньуурдара уонна аныгы наушниктар күүтэллэр.
Куонкуруска оскуола оҕолоро кытталлар. Тэрээһиҥҥэ кыттыы сэтинньи 1 күнүгэр диэри барар. Кыттыан баҕалаахтар https://lookitsrussia.ru/registratsiya/ диэн сайтка киирэн билсэргитигэр сүбэлиибит.