Балаҕан ыйын 4 күнүгэр Илиҥҥи экэнэмиичэскэй форум ыччакка аналлаах бырагырааматын чэрчитинэн, «Смотри, это Россия!» диэн Бүтүн Арассыыйатааҕы куонкурус иккис сезонун билиһиннэрэр тэрээһин буолла.
Бу Бүтүн Арассыыйатааҕы видеокроссинг былырыын СӨ өрөспүүбүлүкэтин баһылыга Айсен Николаев көҕүлээһининэн, РФ Үөрэҕин министиэристибэтин, Ыччат дьыалаларыгар федеральнай агентство уонна үөрэнээччилэр хамсааһыннарын өйөөһүнүнэн олоххо киирбитэ. Айсен Николаев Саха сирин эрэ буолбакка, дойду бүттүүнүн үөрэнээччилэрин ортолоругар бырайыак туох сэҥээриини ылбытын кэпсээтэ. «Олус элбэх сайаапка киирбитэ. Онон биһиги бу бырайыагы Бүтүн Арассыыйатааҕы таһымнаах гынарга быһаарыныы ылынныбыт. Быйыл да ыччаттарбыт куонкуруска көхтөөх кыттыыны ылыахтара диэн эрэнэбин», — диэн Айсен Сергеевич санаатын үллэһиннэ.
Тэрийэр кэмитиэт састаабыгар Айсен Николаев, РФ ыччат дьыалаларыгар федеральнай агентство салайааччыта Ксения Разуваева, туризмҥа федеральнай агентство салайааччытын солбуйааччы Елена Лысенкова, «Россия – кыамтата»АНО генеральнай директорын солбуйааччы Антон Сериков киирдилэр.
Күрэх бастакы сылыгар Арассыыйа бары регионнарыттан 17 500 тахса кыттааччы, куоластааһыҥҥа 200 000 тахса киһи кытыбыта. Үөрэнээччилэр дойдуларын туһунан видеотрыткалары устан, бэйэлэрин икки ардыларыгар атастаспыттара. Быйыл бырайыак өссө киэҥ далааһыннаах буолуо диэн эрэннэрэллэр. Бырайыак иккис сезонугар кыттарга регистрация балаҕан ыйын 15 күнүттэн саҕаланыаҕа. Конкурс быраабылаларын туһунан https://lookitsrussia.ru/ манна киирэн көрүҥ.
edersaas.ru
+1
+1
+1
+1
+1
+1
+1