Бастыҥ смартфоннар рейтиннэрэ таҕыста

Бөлөххө киир:

Роскачество уонна аан дойдутааҕы туһанааччылар түмсүүлэрэ Арассыыйатааҕы ырыынакка баар смартфоннар хаачыстыбаларын тургутан көрдүлэр. Кинилэр мобильнай төлөпүөн сиргэ түстэҕинэ төһө бөҕөтүн, аккумуляторын иитиитэ хас чааска тиийэрин, камерата хайдах үлэлиирин, тыас-уус ырааһын, смартфон төһө түргэнник харбакка үлэлиирин  сыаналаатылар.

edersaas.ru

Уопсайа 402 смартфону 229 ирдэбилинэн тэҥнээн көрдүлэр. Алтынньы 29 күнүгэр тахсыбыт түмүгүнэн, бастакы миэстэни Samsung Galaxy Note 9 ылла. Кэнники балтараа сыл иһигэр Кореяҕа оҥоһуллар смартфоннар өрүү инники күөҥҥэ сылдьаллара бэлиэтэннэ.

Иккис, үһүс миэстэни Apple хампаанньа iPhone XS Max уонна iPhone XS ыллылар. 10 бастыҥ иһигэр  Samsung Galaxy S9, S9+, S8, S8+, iPhone 8 Plus, Huawei P20 Pro (CLT – L29) уонна Samsung Galaxy Note 8 киирдилэр.

Марианна Тыртыкова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0