«Сколково» пуонда салайааччыта Игорь Дроздов саха резиденнэрин өйүөх буолла

Ааптар: 
Бөлөххө киир:

Бүгүн «Сколково» пуонда бырабылыанньатын салайааччыта Игорь Дроздов “Дьокуускай” ИТ Пааркаҕа сылдьан, резиденнэр үлэлэрин кытта билистэ.

ИТ Паарка пресс-сэкирэтээрэ Оливия Кардашевская  иһитиннэрбитинэн, 2019 сылтан саха стартаптара сайдыыларыгар «Сколково» пуонда 20 мөлүйүөн солкуобайтан тахса харчынан үбүлээһини көрөн өйөөтө. Бүгүҥҥү күҥҥэ 11 өрөспүүбүлүкэтээҕи таһымнаах бырайыак “Сколково” пуонда резиденэ статустаах.

Пуонда салайааччыта Игорь Дроздов бүгүн ИТ Пааркаҕа сылдьан,   искусственнай интеллект, мэдиссиинэ, иллэҥ кэми атаарыы индустриятын эйгэтигэр  хас да хайысхалаах бырайыактары көрдө.

Бу бырайыактартан  биири  да ойуччу туппакка, барыларын сэргээбиппитин бэлиэтиир тоҕоостоох. Саха сирэ арктическай зонаҕа киирсэр буолан, Арктика сайдыытыгар улахан болҕомтону ууруохха наада. Онон бу салааҕа ордук ураты болҕомтону ууран, араас аныгы технологияны сайыннарар сорук турар, — диэн санаатын тиэртэ Игорь Дроздов.

«Технопарк Якутия» ГАУ дириэктэрэ Петр Габышев Саха сирэ уонна “Сколково” пуонда бииргэ үлэлээһиннэрин уопута холобурга сылдьарын эттэ.

Бүгүн пуонда салайааччыта биһиги ыытар үлэбитин үрдүктүк сыаналаата, кэскиллээх бырайыактарбытын кытта билистэ. «Арктическай стартап-экспедиция» бырайыактарын ордук сэргээн, бу хайысханы өссө сайыннарарбытыгар сорудахтаата. “Үлэ кыбартаала” креативнай кластеры тэрийиини өйүөх буолла. Онон биһиги «Сколково» пуонда өҥөлөрүн, уопутун уонна өйөбүлүн көдьүүстээхтик туһаныахпыт, — диэн санаатын үллэһиннэ «Технопарк Якутия» ГАУ дириэктэрэ Петр Габышев.

Елена ПОТОЦКАЯ, “Саха сирэ” хаһыат.

Хаартыска: Оливия Кардашевская тиксэриитэ.

+1
0
+1
0
+1
0
+1
0
+1
0
+1
0
+1
0