Үөрэх миниистирин эбээһинэһин толорооччунан Михаил Сивцев ананна

Саха Өрөспүүбүлүкэтин Үөрэҕин уонна наукатын миниистирин эбээһинэһин толорооччунан Михаил Петрович Сивцев ананна.

Бу туһунан ыйаахха Ил Дархан Айсен Николаев илии баттаата.

Михаил Петрович Сивцев

1980 с. төрөөбүтэ.

2002 с. ХИФУ омук тылын факультетын бүтэрбитэ (францзускай тыл уонна литература салаата).

2013 с. РФ бэрэсэдьиэнин судаарыстыбаннай сулууспатын норуодунай хаһаайыстыбатын академиятын бүтэрбитэ (юриспруденция).

2002-2003 сс. Уус Алдан улууһун Мүрү орто оскуолатын  учуутала.

2003-2004 сс. Уус Алдан улууһун Лөгөй дьаһалтатын баһылыгын солбуйааччы.

2004 с. «Уус Алдан» ААуо машиннай технологическэй станция» генеральнай дириэктэрин солбуйааччы.

2005-2010 сс. Ыччат министиэристибэтин иһинэн салааларга сүрүннүүр исписэлиис.

2010-2013 сс. Өрөспүүбүлүкэ вице-бэрэсэдьиэнин сэкэрэтэрийээтин старшай референэ.

2013-2014 сс. бу сэкэрэтэрийээт салайааччытын солбуйааччы.

2015-2017 сс.  «Профессиональнай үөрэхтээһин сайдыытын ресурснай киинин» дириэктэрэ.

2017 с. ХИФУ иһинэн орто анал үөрэхтээһин департаменын дириэктэрэ.

edersaas.ru