Ааспыт сылга өрөспүүбүлүкэҕэ гааска холбонуу таһыма 34,2 бырыһыантан 35,1 бырыһыаҥҥа диэри үрдээтэ. 2021 сылга 14,6 км уһуннаах гаас бөһүөлэк иһинээҕи уонна уулуссатааҕы ситимэ тардылынна. 475 олорор дьиэ «күөх уокка» холбонно.
Ситэриилээх былаас отчуотун кэмигэр социальнай гаастааһын бырагырааматын туһунан ыйытыы киирдэ. Ол курдук РФ Бэрэсидьиэнэ Владимир Путин сорудаҕынан дойдуга социальнай гаастааһын үлэтэ көхтөөхтүк саҕаланна. Өрөспүүбүлүкэҕэ эрэгийиэннээҕи оператор — «Сахатранснефтегаз» АУо. «Сахатранснефтегаз» саайтыгар киирдэххитинэ, социальнай гаастааһын туһунан толору иһитиннэриини барытын билиэххэ сөп. Онно киирэн сайаапка хаалларыаххытын сөп. Саха сиригэр бу бырагыраамаҕа 4 600 кэриҥэ дьиэ хаһаайыстыбалара хапсаллар.
Быйыл 2 000 тахса дьиэни социальнай гаастааһын бырагырааматынан холбооһун соруга турар.
edersaas.ru