Сири-уоту ыраастааһын үлэтэ салҕанар

Ааптар: 
Бөлөххө киир:

Өрөспүүбүлүкэҕэ икки ый устатыгар биллэриллибит сири-уоту ыраастааһын үлэтэ салҕанар.

СӨ Экологияҕа, айылҕа баайын туһаныыга уонна ойуур хаһаайыстыбатыгар миниистир Сахамин Афанасьев бэҕэһээ хамыыһыйа мунньаҕын ыытта. Мунньахха икки ый устатыгар биллэриллибит сири-уоту санитарнай ыраастааһын Өрөспүүбүлүкэ соҕуруу уонна киин оройуоннарыгар хайдах ыытыллыбытын туһунан көрүллүбүт. Улуустартан бэрэстэбиитэллэр уонна бу хайысхаҕа ыытыллар үлэни сэргиир дьон кыттыбыттарын туһунан тустаах министиэристибэ саайтыгар суруллар.
Өрөспүүбүлүкэ соҕуруу уонна киин улуустарыгар кулун тутар 5 күнүттэн ыам ыйын 5 күнүгэр диэри, муус устар 26 күнүттэн бэс ыйын 26 күнүгэр диэри хотугу уонна Арктика оройуоннарыгар сири-уоту ыраастааһыҥҥа, хомуйууга иккилии ыйдаах санитарнай ыраастааһын биллэриллибитэ.
Бу кэм устатыгар 533 субуотунньук ыытыллыбыт, онно 18214 киһи кыттыыны ылбыт, 22462,04 куб. м. бөх-сах хомуллан тиэллибит.
Миниистир Сахамин Афанасьев бэлиэтээбитинэн, санитарнай ыраастааһын үлэтин түмүгэ көстөр.
«Кэнники элбэх улууска сырыттым, онно нэһилиэнньэлээх пууннарга ырааһырдыы, өрө көтөҕүү, тупсарыы үлэтэ ыытыллара харахха быраҕыллар. Кыһын устатыгар мунньуллубут бөх саас тахсан кэлэринэн, субуотунньуктары саас тэрийэр ордук«, — диэн бэлиэтээбит. Кини Мэҥэ Хаҥалас, Ньурба, Таатта, Уус Алдан оройуоннарыгар субуотунньуктар көхтөөхтүк ыытыллыбыттарын бэлиэтээбит. Атыттары  өрө тардыналларыгар эппит.
 Мунньах түмүгүнэн улуустар уу кытылларын ыраастыылларыгар, тиэргэннэри уонна уопсастыбаннай сири-уоту өрө тардалларыгар, үүнээйини олордууну тэрийэллэригэр этиллибит.
+1
0
+1
0
+1
0
+1
0
+1
0
+1
0
+1
0