Уһук Илин регионун сайыннарыы Фондата, «Почта Баана» уонна «Внешэкономбаан» Уһук Илин регионугар босхо гектары ылааччылары чэпчэтиилээх кирэдьиитинэн хааччыйыахтара.
Анивера АКИМОВА, https://edersaas.ru
Уһук Илин регионугар босхо гектар ылыан баҕаоахтартан 63 тыһыынча кэриҥэ сайаапка киирдэ. Бу туһунан Москваҕа ыытыллыбыт сүбэ мунньахха миниистир Юрий Трутнев иһитиннэрдэ.
Бу күннэргэ РФ бырабыыталыстыбатыгар Уһук Илини уонна Байкал регионун сайыннарыыга туһуламмыт сүбэ мунньахха СӨ бырабыыталыстыбатын бэрэссэдээтэлэ Евгений Чекин кытынна.
Босхо гектарга тиксибит дьон сирдэрин оҥостоллоругар, тиэхиньикэ, олорор дьиэ маһын атыылаһалларыгап анаан чэпчэтиилээх кирэдьиит бэриллиэ. Потребительскэй кирэдьиит ставкатын бырыһыана 8-10%-ҥа диэри намтыахтаах. Бүгүҥҥү туругунан Сбербаантан ураты биир сылтан үөһээ болдьохтоон ылар дьоҥҥо потребительскэй кирэдьиит ставката, ортотунан, 17,5% буолар.
Юрий Трутнев:
— Чэпчэтиилээх кирэдьиитинэн туһаныы бырагырамаатын бу ыйга олоххо киллэриэхпит. Ол эрээри кирэдьиитинэн туһанааччылар уу харчынан ылыахтара суоҕа. Сири туһаҕа таһаарыыга анаан чопчу тугу атыылаһалларынан бэриллиэҕэ.Арааһа, чэпчэтиилээх кирэдьиит улахан интэриэһи тардар буолуохтаах. Олунньу 10 күнүнээҕи туругунан өрөспүүбүлүкэҕэ босхо гектары ылыыга 12 651 сайабылыанньа киирбитэ.
Анивера АКИМОВА, https://edersaas.ru
Прокопий БУБЯКИН хаартыскаҕа түһэриитэ.