Саха Өрөспүүбүлүкэтин Кадаастырга балаататын экспертэрэ хамсаабат баай-дуол эбийиэгин туһунан чахчыны, өскөтүн сир учаастагын аадырыһа биитэр кадаастырын нүөмэрэ баар буоллаҕына, дьиэҕэ олорон билиэххэ сөбүн этэллэр.
edersaas.ru.
Публичнай кадаастыр хаартатын (https://pkk.rosreestr.ru/) көмөтүнэн сир учаастагын туһунан интэриэһиргиир чахчыны билсиэххэ сөп. Онуоха көрдүүр строкаҕа сир учаастагын чахчытын: каадастырын нүөмэрин биитэр аадырыһын киллэриллэр. Хаҥастан «Учаастактар» пууну таллахха, эбийиэк хаартыската тахсан кэлэр, онно хамсаабат баай-дуол эбийиэгин тиибэ, кадаастырын нүөмэрэ, кадаастырын кыбаартала, статуһа, аадырыһа, сирин категорията о.д.а. баар. Онуоха сир учаастагын туһаныы көҥүллэммит көрүҥэр итиэннэ сир категориятыгар болҕомто уурар наада, тоҕо диэтэххэ, учаастакка үлэни-хамнаһы тэрийии ити параметрдартан тутулуктанар.
Маны таһынан, публичнай кадаастыр хаартатыгар киһи ылыахтаах сирин учаастагын кадаастарабай сыанатын көрөр кыахтаах. Оттон тиэмэлэринэн араарыллыбыт каарталары көрөргө «Каадастыр сыаната ЗУ» пууҥҥа киирэр. Публичнай кадаастыр каартатыгар ЕГРН чахчылара күннэтэ саҥардылла тураллар. Олору билсиэххэ сөп эрээри, официальнай докумуон быһыытынан туһаныллыбат. Сервискэ үлэлииргэ регистрация ирдэммэт диэн Кадаастыр балаатата иһитиннэрэр.
Раиса Сибирякова, «Саха сирэ» edersaas.ru