Маны аах Уопсастыба

«Сир симэҕэ» үлэ бүтүн Арассыыйатааҕы быыстапкаҕа кыттыаҕа

Хатырык нэһилиэгин «Кырадаһын» түмсүүтэ бүтүн Арассыыйатааҕы «Душа России» быыстапкаҕа кыттар «Сир симэҕэ» үлэтин түүннэри-күнүстэри тигэн бүтэрдэ.

Итини сэргэ, Ирина Докторова «Илгэ» диэн ааттаах үлэтэ силигэ ситэн, дойду тэбэр сүрэҕэр Москва куоракка күн сарсын көтүөхтэрэ.

Иистэнньэҥ кыргыттар үлэлэрин норуот айымньытын дьиэтин специалиһа Ульяна Геннадиевна арыаллаан илдьиһиэ. Кини бу иис үлэтин ымпыгын-чымпыгын ырытыспыт, тэбис-тэҥҥэ үлэ хардыытын тэлсибит чугас киһибит буолар.

Маны таһынан, 2019 сыллаахха биир дойдулаахтарбыт үбүлээһиннэринэн, тигиллибит аппыт симэҕэ Москва куоракка Нам улууһа тэрийэр ыһыаҕар ыалдьыттары көрсөр Ил Дархан ураһатын киэргэлэ буолан ыйаныаҕа. Саха хоту хоһуун уолун Дугуйдааны кытта ханыылаһан үөрэ-көтө көрсүөҕэ.

Хатырык иистэнньэҥ кыргыттарын үлэлэрэ ситиһиилээх буоллун, айар аартыктара аһылыннын диэн алгыы хаалыаҕыҥ!

Нам улууһун Хатырык нэһилиэгин «Кырадаһын» түмсүүтэ.

0
0
Telegram @edersaas20