Бүлүү улууһун Дьөккөн нэһилиэгэр ини-бии Иван уонна Сидор Ионовтар салайар «Сиккиэр» бааһынай хаһаайыстыбалара улууска инники күөҥҥэ сылдьар.
edersaas.ru
Улуус бастыҥ хаһаайыстыбата нэһилиэк уопсастыбаннай олоҕор-дьаһаҕар көхтөөтүк кыттар. Ол курдук, Кыайыы 75 сылын туолар үөрүүлээх күнүгэр нэһилиэк уон кырдьаҕаһыгар, тыыл бэтэрээннэригэр уонна оҕо саастара сэрии сылларыгар ааспыт ытык дьоҥҥо, бэртээхэй бэлэҕи оҥордо.
— Дьуонаптар бааһынай хаһаайыстыбаларын аатыттан Альбина Ионовна көтөх муҥунан аһы-үөлү, бэйэлэрэ оҥорон таһаарбыт үүттэрин-сүөгэйдэрин уонна эттэрин, киллэрэн туттаран кэбистэ. Онон «сиккиэрдэр» аҕам саастаах биир дойдулаахтарын Кыайыы 75 сылынан эҕэрдэлээннэр, уһулуччу махталлаах, үөрүүлээх суолу оҥордулар. Бэйэм чааһым үөрдүм, уйадыйдым. Барҕа махтал! Дьоллоох, доруобай буолуҥ, сүөһүгүт элбии, үүккүт-аскыт үллэ турдун, хаһаайыстыбаҕыт хаҥаан истин! – диир Степанида Абрамова.
Раиса Сибирякова, «Саха сирэ» хаһыат, edersaas.ru