Бу күннэргэ өрөспүүбүлүкэтээҕи Аҕалар II сийиэстэригэр бэлэмнэнии үлэтэ саҕаланна.
“СӨ Аҕалар лигалара” уопсастыбаннай тэрилтэ салайааччыта Айхал Габышев иһитиннэрбитинэн, муус устар ыйга ыытыллыахтаах суолталаах тэрээһиҥҥэ бэлэмнэнии чэрчитинэн улуустар муниципалитеттарын баһылыктарыгар бу күннэргэ Аҕалар сэбиэттэрэ суох нэһилиэктэригэр маннык уопсастыбаннай түмсүүлэри тэрийэллэригэр сүбэлээтилэр. Суолталаах тэрээһиҥҥэ дэлэгээттэри Аҕалар сүбэлэриттэн талыахтаахтар.
Олунньуга ханнык улуустан төһө дэлэгээт кэлэрэ чопчуланыаҕа. Кулун тутарга сийиэс докумуоннара, араас култуурунай тэрээһиннэр бигэргэниэхтэрэ.
Тэрийэр кэмитиэт бу күннэргэ эппиэттээх дьоннору мунньан, улуустарынан араартаата. Сотору кэминэн сийиэс үлэтин хайысхалара бигэргэтиллэн, тэрээһиҥҥэ бэлэмнэнии билигин оҥоһулла сылдьар кэнсиэпсийэҕэ олоҕуран ыытыллыаҕа.
Елена ПОТОЦКАЯ, «Саха сирэ» хаhыат, edersaas.ru