Сунтаар улууһун Сиэйэ орто оскуолатын үөрэнээччилэрэ ураты оҥоһуулаах, автоматизированнай талкыны оҥорбуттарын туһунан култуура управлениетын салайааччыта Мария Кобельянова кэпсээбитин сэргии, сэҥээрэ иһиттим. Ол курдук, 6 кылаас үөрэнээччилэрэ Кэскил Михайлов уонна Сергей Мохначевскай робототехника уһуйааныгар тириини имитэр талкыны оҥорбуттар.
edersaas.ru
— Бу үлэнэн улууска, Бүлүү улуустарын икки ардынааҕы НПК-ҕа бастаабыттар, өрөспүүбүлүкэҕэ үһүс миэстэни ылары ситиспиттэр. Уолаттар робокит уонна легоперворобот диэн техниканан, сэбиэскэй массыына мотуорунан бэртээхэй тэрили айбыттара саха дьонугар абыраллаах буолла. Уһуйааччылара социальнай педагог, «Дьоҕур» куруһуок, робототехника салайааччыта Василий Федоров. Баһылай оҕолору уһанарга үөрэтэр, ону таһынан оҥоһуктарын атыылаан эбии үп киллэринэллэр, — диэн Мария Васильевна кэпсээтэ. Онон, Сиэйэ оҕолоро робототехниканы баһылаабыттар диэтэхпитинэ, алҕаһаабаппыт буолуо.
Анивера Акимова, edersaas.ru
+1
+1
+1
+1
+1
+1
+1