“Сибойл” хампааанньа генеральнай дириэктэрэ Сергей Черных тэрилтэтин Instagram аккаунуттан Дьокуускай куорат волонтердарыгар көмө оҥороллорун туһунан биллэрдэ.
“Убаастабыллаах волонтердар, эһиги билиҥҥи кэм диҥнээх дьоруойдараҕыт! Эһиги массыыналаргытын Дьокуускай куорат иһинэн сүүрдэн туһанаргытыгар, биһиги хампаанньабыт босхо уматыгынан хааччыйарга бэлэм. Сайаапкаларгытын, этиилэргитин бу инстаграм директыгар @siboil_official күүтэбит. Бииргэ түмсүөҕүҥ! Дьаҥы көмөлөөн кыайыаҕыҥ!”
Кулун тутар 31 күнүгэр Сергей Черных “Биир ньыгыл Арассыыйа» партия волонтердарын киинигэр 1000 лиитэрэ уматыкка диэн анал карта биэрбит. Бу көмөнөн кырдьаҕастарга эми-тому тиэрдиигэ, социальнай остолуобай сылаас аһылыгын тарҕатыыга туһаныахтара.
Егор Карпов, «Саха сирэ» хаһыат
+1
+1
+1
+1
+1
+1
+1