Маны аах Тыа хаһаайыстыбата

“Сибиинньэ оҕотун атыылаһыҥ”

“Хатастааҕы сибиинньэ иитэр комплекска” “Туймаада “агрохолдинг генеральнай дириэктэрин сүбэһитэ Ольга Борисова маннык иһитиннэрдэ:

— “Хатастааҕы сибиинньэ иитэр комплекс” бүгүҥҥү туругунан, 571 төбөнү атыылаата. 88 төбөнү ииттэрэ биэрдибит. Өлүөхүмэҕэ — 105 төбөнү, Мэҥэ Хаҥаласка — сүүсчэ, Аммаҕа  — 140, Чурапчыга — 200-чэ төбөнү атыылаатыбыт. Түгэнинэн туһанан, биһиги хаһаайыстыбабытыттан сибиинньэ оҕотун ыларгытыгар ыҥырабыт.

“Хатастааҕы сибиинньэ иитэр комплекс” ХЭТ нэһилиэнньэни кытта сибиинньэни төлөһүтүүгэ дуогабар түһэрсэр.

Төлөбүрүн тута буолбакка, 2022 сыл ахсынньы 1 күнүгэр диэри уһатан төлөһүөххэ сөп.  Ол аата, көрөн-истэн улаатыннарбыт  сибиинньэҕит этин күһүн атыылаан баран, ол харчытынан төлөһөргө олус табыгастаах. Бэтэринээрдэр хонтуруоллууллар. Онон атыыланар сибиинньэ оҕолоро үчүгэй туруктаахтар. Усулуобуйата:

— Өскөтүн сибиинньэ оҕото 25 киилэҕэ диэри ыйааһыннаах, икки ыйыттан тахсыбыт түгэнигэр, сыаната – 15 тыһ. солк. Өссө 120 киилэ комбикорм босхо бэриллэр;

— 25-тан 45 киилэҕэ диэри ыйааһыннаах, 3 ыйыттан итэҕэһэ суох сибиинньэ оҕотун сыаната – 17 тыһ. солк. Эмиэ 80 киилэ комбикорм бэриллэр;

— 46-тан 60 киилэҕэ диэри, 5 ыйыттан кырата суох, сибиинньэ оҕотун сыаната – 20 тыһ. солк. Хас сибиинньэ оҕотун аайы 40 киилэ комбикорму босхо ылаҕыт;

— 61-тэн 70 киилэҕэ диэри ыйааһыннаах, алта ыйыттан тахсыбыт сибиинньэ оҕотун сыаната – 24 тыһ. солк. Сибиинньэ аайы 40 киилэ дьэһимиэн босхо бэриллэр.

Бэлэмнээтэ Женни Стрюкова

Хаартысканы: комплекстан тиксэрдилэр

0
0
Telegram @edersaas20