Хаһыаппыт геройа, Ньурба улууһун Маар орто оскуолатын физкултуураҕа учуутала Афанасий Семенов тиэргэнигэр кэрэ, нарын сибэкки арааһа ситтэ-хотто, силигилии киэркэйдэ.
Өрүү да буоларын курдук, манна сыллата сүрэҕи сылаанньытар, дууһаны манньытар бииртэн-биир кэрэ көстүү, ураты нарын сибэккилэр киирбит ыалдьыты арыаллыыллар.
Сибэккинэн симэммит тиэргэҥҥэ хаартыскаҕа түһүөн баҕалаах үксээтэ, сүбэ-ама ылааччы тиһигин быспакка ыйыталаһар, сураһар. Онон от ыйын 30 күнүгэр сибэккини таптаан үүннэрээччилэргэ анаан, Афанасий Семенов маастар-кылаас ыытарын иһитиннэрэр. Долгуйа күүтүүлээх маастар-кылаас ырыа арыаллаах буолуоҕа. Афанасий Васильевич бу сырыыга кэрэ розаны олордуу кистэлэҥин сэгэтиэ, үөрэтиэ-такайыа, ыйытыыларгытыгар хоруйдуо.
Сэргээҥ, кэрэхсээҥ, көрүҥ, кыттыһыҥ!
Сэргээбиттэр, сэҥээрбиттэр бу видеоттан сиһилии билиҥ уонна хаартыскалары көрүҥ.
