Киһиэхэ киһилии сыһыаннаспытыгар махтаныан оннугар, куһаҕанынан хардарааччылар бааллара хомолтолоох.
Ол курдук, Дьокуускай куорат полициятыгар сибэкки киоскатын атыылааччытыттан иһитиннэрии киирбит. Дьахтар кэпсээбитинэн, киоскаҕа биир киһи киирэн, «өлөттөрбүтүн» эппит уонна киниэхэ кыһыл көмүс биһилэҕи атыылыы сатаабыт.
Биһилэҕи ылбатах эрээри, дьахтар бу киһини аһынан, арыгы кутан биэрбит. Бииргэ иһэн-аһаан баран, атыылааччы утуйан хаалбыт. Онтон уһуктан баран көрбүтэ — суотабай төлөпүөнэ онно оҥос, мэлийбит.
Оперативниктар уорууга уорбаланааччыны туппуттар — Казахстантан төрүттээх 39 саастаах киһи эбит. Уорбут төлөпүөнүн ломбарга туттаран ылбыт 1 тыһ. солк. харчытын бэйэтин наадатыгар бараабыт.
Өссө төгүл сэрэтии: билбэт дьоҥҥутун кытта арыгы иһимэҥ!
Бу чахчынан «уоруу» ыстатыйанан холуобунай дьыала тэриллибитин туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн