Арассыыйа биллэр артыыһа, ыытааччы Мария Шукшина сахалыы киинэни көрөргө сүбэлээтэ
РФ үтүөлээх артыыһа, өр кэмҥэ «Жди меня» биэриигэ ыытааччынан үлэлээбит Мария Шукшина «Инстаграм» социальнай ситимҥэ «Мин үрдүбэр күн хаһан даҕаны киирбэт» киинэни көрөргө сүбэлээтэ.
«Киһини уйадытар, долгутар киинэни көрүөн баҕарар дьоҥҥо «Мин үрдүбэр күн хаһан даҕаны киирбэт» диэн сахалыы киинэни көрөргө сүбэлиибин. Эрдэ «Сестренка» диэн киинэни сүбэлии сылдьыбытым, маныаха сурутааччыларым махтаммыккыт. Онон бу киинэни эмиэ сөбүлээн көрүөххүт дии саныыбын.
Маннык киинэлэр тустарынан улаханнык кэпсээбэттэр, каассабай киинэ буолбатах. Бу киинэ туһунан истэ да иликкит буолуо. Мин бу киинэни кулун турага «Ника» киинэ бэстибээлигэр академиктыы сылдьаммын көрбүтүм. Бу күннэргэ ютубка укпуттар эбит.
Көрүҥ, доҕотторгутугар сүбэлээҥ, санааҕытыҥ үллэстиҥ«, — диэн Мария Шукшина суруйбут.
edersaas.ru
Хаартыска — tovarysh.life саайтан.