«Северные звездочки» уһуйаан былаһааккатыгар оҕо өлбүт чахчытынан бэрэбиэркэ ыытыллар

Ааптар: 
Бөлөххө киир:

Бэҕэһээ, ыам ыйын 5 күнүгэр, Дьокуускай куоракка хомолтолоох быһылаан тахсыбыта — «Северные звездочки» уһуйаан былаһааккатыгар оҕо суорума суолламмыта… 

edersaas.ru

РФ Силиэстийэлиир кэмитиэтин Саха сиринээҕи управлениета иһитиннэрбитинэн, бу чахчынан процессуальнай бэрэбиэркэ бара турар.

Силиэстийэ сабаҕалыырынан, ити күн киэһэ 17.00 чаас саҕана, Дзержинскэй аатынан уулуссаҕа турар уһуйаан былаһааккатыгар 2010 сыллаах төрүөх уолчаан тимир конструкцияҕа ыттыбыт.

Онуоха тимир конструкция кини ыйааһынын уйбакка, үрдүгэр түһэн, баттаан кэбиспит. Оҕо эрэйдээх тута тыына быстаахтаабыт…

Ааһан испит дьону ону көрөн, «суһал көмөнү» ыҥырбыттар.

СӨ Борокуратууратын пресс-сулууспата иһитиннэрбитинэн, бу чахчынан Дьокуускай куорат борокуратуурата туспа бэрэбиэркэ ыытар.

Бэрэбиэркэ кэмигэр ити тимир конструкцияны туруоруу ирдэбиллэрин, быраабылаларын тутуһууга итиэннэ эппиэтинэһи сүгэр дуоһунастаах үлэһиттэр дьайыыларыгар сыанабыл бэриллиэҕэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0