«Сэттээх сир. Ыйаах» киинэ Бүтүн Арассыыйатааҕы бэстибээлгэ ситиһиилэннэ

Степан Бурнашев режиссердаах «Сэттээх сир. Ыйаах» киинэ Бүтүн Арассыыйатааҕы «Амурская осень» диэн киинэ уонна тыйаатыр бэстибээлигэр анал дьупулуомунан наҕараадаланна.

Саха киинэтэ бу ааттаах-суоллаах бэстибээлгэ «За обращение к традициям и памяти предков» диэн тэрийээччилэр анал дьупулуомун ылар чиэскэ тигистэ.

Бу туһунан киинэни устубут «Сайдам барыл» бөлөх «Инстаграмҥа» сирэйигэр иһитиннэрдилэр. «Амурская осень» бэстибээлгэ устар бөлөхтөн оператор Петр Иванов уонна сүрүн оруолу толорбут Виолетта Христофорова сырыттылар.

«Сэттээх сир. Ыйаах» киинэ былырыын алтынньы 1 күнүгэр сүрэхтэммитэ.