Бэс ыйын 1 күнүттэн биир ый устата Сахалыы Бикипиэдьийэҕэ түүрдэр тустарынан ыстатыйалары суруйууга күрэс ыытыллар. Ким саамай элбэх ыстатыйаны суруйбут ол кыайыылаах тахсыаҕа.
edersaas.ru
Тиэмэтэ хайаан да түүрдэргэ быһаччы сыһыаннаах буолуохтаах. Холобур, түүр дойдуларын, куораттарын, биллиилээх дьонун, тылларын тустарынан суруйуохха сөп. Ыстатыйаны ханна да ыыппаккыт, бикипиэдьийэ саайтыгар бэйэҕит бэчээттиигит.
Бирииһи Түүр биикиһиттэрин бөлөҕө үбүлүүр. Бириис пуондатын кээмэйэ 22 200 солкуобай. Биэс бастыҥы быһаарыахпыт.
Күрэскэ кыттан, сахалыы билии-көрүү аан ситимҥэ элбииригэр көмө буолуҥ! Ким баҕарар кыттара көҥүл.
Тэрийэр бикипиэдьийэлэр: Азербайджан, Башкир, Казах, Саха, Татаар, Тыыба, Туурак. Тиэмэ бу омуктарынан эрэ муҥурдаммат, холобур алтаайдар, хакаастар тустарынан эмиэ суруйуохха сөп.
Ыстатыйаҕа ирдэбиллэри кытта манна сиһилии билсиҥ: https://sah.wikipedia.org/wiki/Бикипиэдьийэ:Түүр_марафона_2020
Тэрийэр бөлөх аатыттан Сахалыы Бикипиэдьийэ дьаһабыла Ньукулай Халан.