Сэтинньи 8 күнүттэн QR-куодунан туһаныы саҥа ирдэбиллэрэ киириэхтэрэ
26.10.2021
Сэтинньи 8 күнүттэн Саха сиригэр атыы-эргиэн кииннэригэр QR-куодунан киирии саҥа ирдэбиллэнэллэр. Бу туһунан Суһал ыстаап брифинин кэмигэр СӨ Доруобуйа харыстабылын миниистирин эбээһинэһин толорор Лена Афанасьева иһитиннэрдэ.
Ону таһынан, сэтинньи 8 күнүттэн уопсастыбаннай аһыыр сирдэр киэһээ 23 чааска диэри үлэлииллэрэ көҥүллэниэҕэ. Алтынньы 30 күнүттэн сэтинньи 7 күнүгэр диэри биллэриллибит уһун өрөбүллэр кэмнэригэр аһыыр сирдэр 22 чааска диэри үлэлиэхтэрэ.
Санатан суруйдахха, алтынньы 20 күнүттэн QR-куодунан киирии култуура тэрилтэлэригэр олохтоммута, алтынньы 25 күнүттэн успуорт тэрилтэлэрэ, бу ый 30 күнүттэн уопсастыбаннай аһыыр сирдэр саҥа хааччахтыыр быраабылаларынан үлэлиэхтэрэ.
«Саха сирэ» хаһыат, edersaas.ru
СИА хаартыската.
+1
+1
+1
+1
+1
+1
+1