Хой. Эрдэ доруобуйаҕыт туһугар долгуйар, саарбахтыыр эбит буоллаххытына, билигин доруобуйаҕыт, ис туруккут биллэ тупсубут, бөҕөргөөбүккүт. Чугас дьоҥҥутун кытта кэпсэтиҥ, ыалдьыттаһыҥ. Ол эрээри, тылга тииһимэҥ, этиһии төрдө буолуоххутун сөп. Өрөбүллэргэ сынньаныҥ.
Оҕус. Харчыны таах барыыр куттала баар, үпкүтүн харыстааҥ. Кыра-кыралаан да буоллар, мунньан саҕалааҥ. Чугас дьону кытта этиһии, мөккүһүү тахсыан сөп. Оҕолоргутугар болҕомтото ууруҥ, тапталынан угуттааҥ.
Игирэлэр. Бу нэдиэлэҕэ бэйэҕитигэр эрэллээх буоллаххытына барытын кыайыаххыт. Үлэҕитигэр, үөрэххитигэр саҥа эбээһинэстэри эбэтэр дуоһунаһы ылынаргытыгар этии киириэн сөп. Үчүгэйдик толкуйдааҥ. Уруккуттан “аалар” кыһалҕаларгытын быһаарарга кыһаллыҥ.
Араак. Тэрийэр, барыны-бары сатыыр дьоҕургутун көрдөрөр кэм кэлбит. Бэйэҕитин көрдөрдөххүтүнэ инники олоххутугар туһаны аҕалыан сөп. Үп-харчы дьыалата үчүгэй, улахан малы-салы атыылаһарга тоҕоостоох кэм кэлбит диэн сулустар билгэлииллэр.
Хахай. Бу сэттэ күн иһигэр үчүгэй уонна соччото суох көрсүһүүлэр күүтэллэр эбит. Эһиги олоххутугар куһаҕаны, хараҥаны аҕалар дьонтон тэйиҥ. Сылайыаххыт, санаарҕыаххыт. Барытын тулуйуҥ, барыта этэҥҥэ буолуоҕа.
Кыыс. Кыыс бэлиэлээхтэри сырдык, ыраас сыһыан күүтэр. Ол эрээри, олус элбэҕи эрэйимэҥ, күүтүмэҥ. Бу барыта быстах кэмҥэ эрэ кэлэн ааһар иэйии буоларын кэлин өйдүөххүт. Бэйэҕитин сайыннарыынан дьарыктаныҥ, кинигэтэ ааҕыҥ, тыйаатырга, мусуойга сылдьыҥ.
Ыйааһын. Кыһалҕа тирээтэҕинэ кимҥэ да кэпсээмэҥ. Ким да көмөлөһөргө ыксыа суоҕа. Төттөрүтүн мэһэйдии сатааччылар көстүөхтэрин сөп. Тус олоххутугар тугу эмит уларытыҥ.
Скорпион. Уларыйа сылдьар настарыаннньалаах буоллаххытына чугас дьоҥҥутун эрэйдиэххит. Соҕотох олорон тугу сыыспыккытын, туох кыһалҕалааххытын толкуйдааҥ. Ис туруккутугар уларыйыы наада. Барыта этэҥҥэ буолуоҕа, уоппускаҕа сынньана барары былааннааҥ.
Охчут. Этиһииттэн, мөккүһүүттэн туттунуҥ. Өйдөспөт буолуу тахсаары гыннаҕына айдаана суох быһаарсыҥ. Өрөбүллэргэ сынньаныҥ, улахан үлэни былааннаамаҥ. Нэдиэлэ иккис аҥаарыгар соһуччу үтүө сонуну истиэххит.
Чубуку. Бу кэмҥэ баҕарбыт дьыалаҕытын барытын ситиһиэххит. Түбүккүт үтүө түмүктэри аҕалыаҕа. Үгүс харчыны бараамаҥ. Бааҥҥа харчыта ууруҥ. Эһиги тускутунан сурах тарҕаныан сөп, сэрэниҥ.
Күрүлгэн. Үлэҕитигэр, үөрэххитигэр, дьиэ кэргэҥҥитигэр буолары барытын эрдэ билэ-көрө сатааҥ, оччоҕуна сыыһалары оҥоруоххут суоҕа. Солуута суох көрсүһүүлэртэн, кэпсэтиилэртэн аккаастаныҥ.
Балыктар. Бу нэдиэлэҕэ соҕотохсуйуоххутун баҕарыаххыт. Кыра кыһалҕаларга бэринимэҥ, эрэллээхтик иннигит диэки хардыылаан иһиҥ. Былааннаммыты барытын тиһэҕэр тиэрдэ сатааҥ, барыта табыллыаҕа.
edersaas.ru