Бүгүн социальнай ситимнэринэн өрөспүүбүлүкэтээҕи бастакы нүөмэрдээх балыыһа (Медцентр) үлэһиттэригэр хамнастарын төлөөбөтөхтөрүн туһунан сурах тарҕанна.
edersaas.ru
Бу кириисис саҕана, үгүспүт даҕаны бааҥҥа илиилэри-атахтары баайыллан, кирэдьииккэ, ипотекаҕа олоробут. Хамнас кэмигэр кэлбэтэ да иэдэйэбит. Батсаапка тарҕаммыт сурах, кырдьык буолла. «Алтынньытааҕы хамнаспытын ыла иликпит», – диэн Медицинэ киинин үлэһиттэрин кытары сибээскэ тахса сылдьыбыппытыгар кэпсээтилэр.
Доруобуйа харыстабылын министиэристибэтин пресс-сулууспатыгар өрөспүүбүлүкэтээҕи 1-кы нүөмэрдээх балыыһа генеральнай дириэктэрэ Николай Лугинов иһитиннэрбитинэн, «Зарплата Кылатчанова» бырагырааматыгар сэтинньи 9 күнүгэр биллибэт төрүөтүнэн техническэй алдьаныы тахсыбыт. Билигин ону чөлүгэр түһэрии үлэтэ ыытыллар. Оттон сарсын, сэтинньи 17 күнүгэр, үлэһиттэргэ абаанса түҥэтиэхтэрэ.
Анивера АКИМОВА, edersaas.ru