Бүгүн Аан дойду иккис уоттаах сэриитэ түмүктэммитин бары улуустарга чиэстээхтик бэлиэтээтилэр.
edersaas.ru
Балаҕан ыйын 2 күнүгэр улуус баһылыга Иннокентий Сивцев ФСБ, ИДьО, Росгвардия Өймөкөөннөөҕү салаатын салайааччыларын кытта Аҕа дойду Улуу сэриитин кыттыылаахтарын пааматынньыгар тыыннаах сибэкки дьөрбөтүн уурдулар.
— Балаҕан ыйын 3 күнүгэр Арассыыйаҕа Буойуннар албан ааттарын чиэстээһин — Иккис аан дойдутааҕы сэрии түмүктэммит күнүн (1945 сыл) быһыытынан бэлиэтэнэр. 2020 сыллаахха диэри бу күн балаҕан ыйын 2 күнүгэр бэлиэтэнэрэ. 2020 с. муус устар ыйыгар тустаах сокуоҥна уларыйыылар киирэн, бу суолталаах датаны балаҕан ыйын 3 күнүгэр бэлиэтэнэр гына көһөрбүттэрэ. Бу күн милитаристскай Японияны кытта сэрии бүтэһиктээхтик түмүктэммитэ. Биһиги, Өймөкөөн улууһун олохтоохторо, бу күн дойдуларыгар тыыннаах эргиллибэтэх буойуннары, Улуу Кыайыы 75 сылыгар диэри тиийбэтэх сэрии кыттыылаахтарын, тыыл бэтэрээннэрин чиэстиибит. Нэһилиэктэрбитигэр, бөһүөлэктэрбитигэр Кыайыы болуосаттарыгар кинилэр ааттара көмүс буукубанан суруллан тураллар.
Биһиги кинилэргэ эйэлээх олохпут, чаҕылхай күннээх халлааммыт иһин барҕа махталбытын тиэрдэбит. Бүгүҥҥү күҥҥэ Өймөкөөн улууһугар биир Аҕа дойду Улуу сэриитин кыттыылааҕа, 24 тыыл бэтэрээнэ, олороллор. Биһиги кинилэргэ махтана сүгүрүйэбит, — диэн бэлиэтээтэ Өймөкөөн улууһун дьаһалтатын баһылыга Иннокентий Сивцев бүгүн улуус социальнай ситимнэригэр.
Елена ПОТОЦКАЯ, «Саха сирэ» хаһыат, edersaas.ru
— Балаҕан ыйын 3 күнүгэр Арассыыйаҕа Буойуннар албан ааттарын чиэстээһин — Иккис аан дойдутааҕы сэрии түмүктэммит күнүн (1945 сыл) быһыытынан бэлиэтэнэр. 2020 сыллаахха диэри бу күн балаҕан ыйын 2 күнүгэр бэлиэтэнэрэ. 2020 с. муус устар ыйыгар тустаах сокуоҥна уларыйыылар киирэн, бу суолталаах датаны балаҕан ыйын 3 күнүгэр бэлиэтэнэр гына көһөрбүттэрэ. Бу күн милитаристскай Японияны кытта сэрии бүтэһиктээхтик түмүктэммитэ. Биһиги, Өймөкөөн улууһун олохтоохторо, бу күн дойдуларыгар тыыннаах эргиллибэтэх буойуннары, Улуу Кыайыыга диэри тиийбэтэх сэрии кыттыылаахтарын, тыыл бэтэрээннэрин чиэстиибит. Нэһилиэктэрбитигэр, бөһүөлэктэрбитигэр Кыайыы болуосатттарыгар кинилэр ааттара көмүс буукубанан суруллан тураллар. Биһиги кинилэргэ эйэлээх олохпут, чаҕылхай күннээх халлааммыт иһин барҕа махталбытын тиэрдэбит. Бүгүҥҥү күҥҥэ Өймөкөөн улууһугар биир Аҕа дойду Улуу сэриитин кыттыылааҕа, 24 тыыл бэтэрээнэ, олороллор. Биһиги кинилэргэ махтана сүгүрүйэбит, — диэн Өймөкөөн улууһун дьаһалтатын баһылыга Иннокентий Сивцев бэлиэтээтэ.