Сэрии бэтэрээнигэр көмөлөстүлэр (видео)

Бөлөххө киир:
Сунтаар улууһун олохтооҕо, Аҕа дойдуну көмүскүүр сэрии кыттыылааҕа Прокопий Афанасьевич Степановы  «Якутлесресурс» ГАУ, Сунтаардааҕы  лесничество, лесоводтар түмсүүлэрэ  Кыайыы күнүнэн  эҕэрдэлээтилэр.

Прокопий Степанов  баара-суоҕа 19 саастааҕар  сэриигэ   бэбиэскэни туттан,  Волховскай фронт Сибиирдээҕи 386-с стрелковай полкатыгар тиийэн сэриилэспитэ. 1942 сыл атырдьах ыйыгар бастакы бааһырыытын ылан, хас да ыйы быһа  госпитальга эмтэммитэ.  Ол кэннэ  8-с гвардейскай батальон састаабыгар, салгыы 1-кы Белорусскай фронт 283-с стрелковай полка 8-с гвардейскай батальонун састаабыгар киирсэн сэриилэспитэ. Кыайыы күнүн Прокопий Афанасьевич Берлиҥҥэ көрсүбүтэ. Сэрии кэнниттэн Прокопий Афанасьевич 37 сыл лесхозка үлэлээбитэ.

Бу сайын ытык кырдьаҕас 100 сааһын бэлиэтиэхтээх.

Бу күннэргэ «Якутлесресурс» ГАУ  бэтэрээн олорор дьиэтин муостатын уларыталларыгар тутуу матырыйаалынан көмөлөстө.

edersaas.ru

+1
0
+1
0
+1
0
+1
0
+1
0
+1
0
+1
0