Кулун тутар 1 күнүгэр Бүлүү улууһун уонна Хаҕын нэһилиэгин бочуоттаах олохтооҕо, сэрии бэтэрээнэ Яков Петрович Григорьев 96 сааһын туолла.
Яков Петрович Бүлүү оройуонун Хаҕын нэһилиэгэр Киров аатынан колхозка орто сэниэ ыалга төрөөбүтэ. Аҕата Бүөтүр уола балтараа саастааҕар ууга түһэн өлбүт. Ийэтэ Огдооччуйа икки оҕотун кытта хаалбыт. Ийэлээх эдьиийин кытта таайдарыгар иитиллибиттэрэ. 1935-40 сс. Дьуукула, Балаҕаччы оскуолатыгар үөрэнэн, 5 кылааһы бүтэрбитэ.
1943 сыллаахха Яков Петрович сэриигэ барар туһунан бэбиэскэ тутар.
1943-46 сс. Кавалеристскай дивизияҕа 6-с кондепоҕа сулууспалаабыта. 1944 с. алтынньыга Орел куораттан 500-чэкэ немец офицердарын, билиэннэйдэрин Хабаровскайга аҕалыыга сылдьыспыта. 1945 с. атырдьах ыйын 13 күнүттэн балаҕан ыйын 30 күнүгэр диэри Монголия армиятын кытта Японскай милитаристары урусхаллааһыҥҥа сэриигэ кыттан, Кытай Народнай республикатын Мукден куоратыгар дылы тиийэн төннүбүтэ.
1945-46сс. Японскай байыаннай билиэннэйдэри Дальнай Востокка аҕалыыга, харабыллааһынна сулууспалаабыта.
1946-1947 сс. 1072 отдельнай стрелковой батальоҥҥа стрелогынан сулууспалыыр.
1947-1950 сс. 27243 отдельнай стрелковой батальоҥҥа стрелогынан сулууспалыыр.
1950 с. армияттан кэлээт, төрөөбүт дойдутугар Хаҕын нэһилиэгэр ааҕар балаҕан сэбиэдиссэйинэн үлэтин саҕалаабыта.
Сэрии бэтэрээнэ түөрт сыл төрөөбүт нэһилиэгэр управляющайынан үлэлээбитэ. Иккитэ Хаҕын сэбиэтин бэрэссэдээтэлинэн талыллыбыта.
Биэнсийэҕэ тахсыпр диэри Яков Петрович леснигынан, кадровай булчутунан үлэлээбитэ.
edersaas.ru
https://ulus.media матырыйааллара туһанылыннылар
Хаартыска https://sakha.gov.ru