Үҥкүүһүт Серго Сидоров ырыа ыллаата, килиипкэ уһулунна

Бөлөххө киир:

Икки сыллааҕыта 16 саастаах үҥкүүһүт уол Серго Сидоров кылгас кэм иһигэр “сулус” буолан, өрөспүүбүлүкэҕэ киэҥник биллибитэ.

Кини Москваҕа ыытыллыбыт футболга аан дойду чөмпүйэнээтин үөрүүлээх сабыллыытыгар кыттыбыта. Көннөрү кыттыбатаҕа, кини аан дойду таһымнаах биллэр артыыстары – Уилл Смиты, Эра Истрефины, Ники Джемы кытта биир сыанаҕа туран үҥкүүлээбитэ. Оччолорго Серго биһиги саайтпытыгар: «Оҕо эрдэхпиттэн ыраламмыт санаам туолан, үөрэ сылдьабын», — диэн кэпсээбиттээх.

Сергону кытта кэпсэтиини манна ааҕыҥ: edersaas.ru/sergo/

Серго Сидоров быйыл «Айыы кыһата» гимназияны бүтэрдэ. Кини «Инстаграм» социальнай ситимҥэ баар страницатыгар кыраныысса таһыгар үөрэниэхпин саныыбын диэн суруйбута.

Аны, бэҕэһээ, талааннаах уол «Сулустар үҥкүүлэрэ» диэн ырыаҕа килииби ютуб «хонуутугар» таһаарда. Килиипкэ Серго «ZAVOD» үҥкүү бөлөҕөр бииргэ дьарыктанар Диана Егорова-Лил Дины кытта уһулуннулар. Бэҕэһээ Диана төрөөбүт күнүн көрсө, саҥа килиип сүрэхтэннэ.

Манна көрүҥ:

Айтана Аммосова, edersaas.ru

+1
0
+1
0
+1
0
+1
0
+1
0
+1
0
+1
0