Эдэр саас

Сэргэлээх. Гитаралаах «Туйаарыма Куо».



 ХИФУ Хотугулуу-Илиҥҥи норуоттар тылларын уонна култуураларын институтугар үөрэнэр кэрэ кыргыттар күрэхтэһиилэрэ буолла.

Саха салаатыгар үөрэнэр кыргыттарга бу куонкурус сыллата ыытыллар. Тэрийээччилэр сүрүн сыалларынан сахалыы куттаах, сэмэй саха кыргыттарын түмүү буолар. «Туйаарыма Куо» атыттартан уратыта диэн манна купальниктаах, сирэйдэрин киһи билбэт гына кырааскаламмыт, арбайбыт баттахтаах кыргыттар күрэхтэһиилэрэ буолбатах. Манна олоҥхоҕо ойууланар саха кэрэ куотун талаллар.

zgpm2qk-ylo

Бисэ түһүмэхтээх илин-кэлин түсүһүү кэнниттэн, бастакы миэстэни 4-с куурус устудьуона Айыына Татаринова ылла. Киниэхэ үрүҥ көмүс илиҥ кэбиһэри туттардылар.

  • Айыына, бэйэҥ тускунан кэпсээ эрэ
  • Мин Нам улууһун Үөдэй нэһилиэгиттэн төрүттээхпин. Дьиэ кэргэммэр үһүс бүтэһик оҕонон күн сирин көрбүтүм. Билигин үөрэхпин бүтэрээри, эксээмэн туттара, дьупулуом суруйа сылдьабын.
  • «Туйаарыма куоҕа» туох сыалтан кыттарга санаммыккыный? Урут кэрэ буолуу күрэхтэһиитигэр кытта сылдьыбытын дуо?
  • Хайа баҕар күрэхтэһиигэ кыттар киһи бэйэтин күүһүн уонна кыаҕын атттыры кыттар холоон көрөөрү боруобаланар. Саҥаны боруобалааһын киһиэхэ үгүһү биэрэр, бэйэбэр олус элбэх саҥаны арыйдым. Күннээҕи олохтон бэйэбин атын эйгэҕэ боруобаланным. Урут хаһан да «мисстэр» күрэхтэһиилэригэр кыттыбатаҕым.

wl5xg4sqhwo

  • Кыайыам дии санаабытын дуо? Күрэхтэһии эйиэхэ тугу биэрдэ?
  • Бэжйэбэр эрэллээх этим. Бэйэбэр эрэммэтим буоллар, маннык күрэхтэһиилэргэ кытта сананыам даҕаны суоҕа этэ. Күрэхтэһииттэн саҥа дьүөгэлэрдэнним. Бары даҕаны сахалыы тыыннаах, оҕолуу ыраас майгылаах кыргыттар кыттыбыттар эбит. Үөрэҕим быыһыгар күрэхтэһиигэ бэлэмнэммит буолан, баҕар, бириэмэбин сөпкө аттарарга үөрэммитим буолуо.
  • Кэрэ буолуу уонна талаан күрэхтэһиитэ сыраны-сылбаны эрэ буолбакка, өссө элбэх үбү-харчыны эрэйэр
  • Үгүс бииргэ күрэхтэһэр кыргыттарым балай эмэ сыанаҕа таҥас атыыласпыт эбит буоллахтарына, мин былааччыйаларбын, көстүүмнэрбин саҥаһым барытын биир нэдиэлэ иһигэр тигэн биэрбитэ. Дьиэ кэргэним уонна доҕотторум олус өйөөтүлэр, онон кинилэргэ махтанабын.

ipmgoow6btm

  • Эн Инстаграмҥа баар страницаҕар гитаранан ылыыр видеоларын бааллар. Хаһааҥҥыттан ыллыыгын?
  • Миигин төрөппүттэрим кыра эрдэхпиттэн ыллыырга үөрэппиттэрэ, сыанаҕа таһаарбыттара. Аҕам гитараҕа доҕуһуоллуур, оттон мин ыллыыр этим. Оҕо эрдэхпиттэн гитараны талкыйа, оонньуу улааппытым. Кэлин аҕам көрдөрөн, аҕыйах аккорду билэр буолбутум уонна бэйэм үөрэммитим. Оҕо сылдьан сыанаҕа ыллыыр эбит буоллахпына, билигин сыанаҕа ыллаабаппын. Соҕотох чуумпуга олорон, аа-дьуо гитаралыырбын сөбүлүүбүн.
  • seukmwrffxk
  • Маннык куонкурустарга кыттыбыт кыргыттар үксүгэр «олоҕум таһыччы уларыйда» диэччилэр уонна модель бизнеһигэр «охтоллор». Онтон эн инники былааннарын?
  • Мин бэйэбин холонон эрэ көрдүм. Модель буолар баҕам суох. Билиҥҥитэ сүрүн дьарыгым – үөрэҕим. Кэтэхтэн эмиэ үөрэнэбин, онон быйыл иккидьупулуому көмүскээри сылдьабын.

Айталина СОФРОНОВА

0
0

Санааҕын суруй