Сергей Местников ыһыахтар суолталарын тоһоҕолоон бэлиэтээтэ
Вице-премьер Сергей Местников «Сэмсэ санаа» биэриигэ ыһыахтар суолталарын тоһоҕолоон бэлиэтээтэ.
“Икки сыл хамсыктан сылтаан тохтообуппут биһиэхэ охсуулаах буолуон сөп. Бу өссө үс-биэс сыл уһаабыта буоллар, ситим быстыытыгар тиэрдэр кутталлааҕа. Бу эйгэни көрбөтөх үстээх-биэстээх оҕолор улаатан баран, ылыналлара ыарахан буолуон сөп”, — диир кини.
Салгыы видеоттан быһа тардыыны көрүҥ.
Кини этэринэн, Олоҥхо ыһыаҕа саха култууратын барытын хабар, көрдөрөр ыһыах. Ол курдук, алгыс, тойук, олоҥхо, оһуокай, саха таҥаһа, аһылыга, тыла-өһө, ырыата-тойуга барыта киирэр. Олоҥхо ыһыаҕар бэлэмнээнии үлэтэ уонна сомоҕолоһуута ордук суолталаах.
Видеоттан быһа тардыын көрүҥ.
Интервью сарсын хаһыакка толору уонна Саха НКИХ ханаалыгар бэс ыйын 7 күнүгэр 18:15 чааска тахсар.