Сергей Местников өрөспүүбүлүкэҕэ эпидемиологическай быһыы-майгы үөрэх эйгэтигэр хайдаҕын туһунан иһитиннэрдэ.
Олунньу 10 күнүнээҕи туругунан, өрөспүүбүлүкэҕэ 801 уһуйаан үлэлиир, биир уһуйаан ОРВИнан харантыыҥҥа сабыллыбыт. Бүтэһик хонук устатыгар уһуйааннарга коронавирус дьаҥа бэлиэтэммэтэх. Бу туһунан СӨ вице-премьерэ Сергей Местников иһитиннэрбит.
Уопсай үөрэхтээһин эйгэтигэр, олоҕурбут көрүҥүнэн (очнай) 405 оскуола үлэлиир, дистанционнай көрүҥүнэн – 7 оскуола, 229 оскуола очнай-заочной көрүҥүнэн үлэлиир. Өлүөхүмэ улууһун Токко оскуола-интэринээтэ үлэтин саҕалаабыт.
Орто анал уонна үрдүк үөрэх кыһалара олоҕурбут көрүҥүнэн үөрэниигэ сыыйа көһөллөр. Өрөспүүбүлүкэҕэ орто анал үөрэх устудьуоннара олунньу ортотуттан, үрдүк үөрэх кыһаларын устудьуоннара кулун тутартан олоҕурбут көрүҥүнэн үөрэнэллэрэ былааннаммыт.
СӨ Ил Дархан уонна Бырабыыталыстыба пресс-сулууспата
+1
+1
+1
+1
+1
+1
+1