Маны аах Үөрэх уонна наука

Сергей Местников оҕону иитии уонна сыыппара сабыдыалын туһунан (ВИДЕО)

СӨ Бырабыыталыстыбатын Бэрэссэдээтэлин солбуйааччы Сергей Местников «Сэмсэ санаа» биэриигэ Чокуур Гаврильевка интервью биэрдэ. Интервьюттан кылгастык билиһиннэрэбит. Чэппиэргэ «Саха сирэ» хаһыакка ааҕаарыҥ.

Сергей Местников оҕону иитиигэ төрөппүт уонна уопсастыба улахан оруоллааҕын тоһоҕолоон бэлиэтээтэ. Кини этэринэн, бастатан туран, уопсастыбаҕа төрөөбүт тылы билии наадалааҕын уонна туһалааҕын өйдөтүөх тустаахпыт.

«Оҕо инники сайдар кэскилигэр, омук быһыытынан бэйэтин билинэригэр уонна атын омуктары кытта тэҥҥэ кэпсэтэригэр кини төрөөбүт ийэ тылын билиэхтээх. Ону төрөппүттэр өйдүөхтээхтэр», — диир кини. Интервьюттан быһа тардыыны видеонан көрүҥ.

Кини сыыппара киирэриттэн куттаммакка, Интэриниэт эйгэтигэр сахалыы тыллаах матырыйааллары тарҕатан иһиэх тустаахпыт диэн этэр. Сотору кэминэн, сахалыы тыллаах контент Саха НКИК көмөтүнэн онно толору киириэҕэ.

0
0
Telegram @edersaas20