Сергей Местников: “Дьокуускайга алын кылаастар оскуолаҕа тиийэн үөрэниэхтэрэ”
Күн бүгүн Саха сиригэр оскуола 38 % үөрэҕи олоҕурбут көрүҥүнэн ыытар, 43 % — тэйиччиттэн, 19 % буккаас (смешаннай) көрүҥү туһанар. Ити туһунан СӨ Бырабыыталыстыбатын бэрэссэдээтэлин солбуйааччы Сергей Местников иһитиннэрдэ. Ол курдук, тэйиччиттэн Дьокуускай куорат, Мэҥэ Хаҥалас, Сунтаар уонна Чурапчы улууһун оскуолалара үөрэтэллэр.
Дьокуускай куорат балаһыанньатын билиһиннэрэригэр, вице-премьер СӨ Роспотребнадзор управлениетын кытта сүбэлэһэн баран, куорат 1-4 кылааһын үөрэнээччилэрин олоҕурбут көрүҥүнэн үөрэтэргэ быһаарбыттарын эттэ. Эпидемиологическай балаһыанньа тыҥааһыннааҕынан сибээстээн, 5-11 кылаас оҕолоро тэйиччиттэн олорон (дистанционно) үөрэниэхтэрэ.
Эпидемиологическай балаһыанньа тупсуута бэлиэтэннэҕинэ, барыларын олоҕурбут көрүҥүнэн (очно) үөрэтии боппуруоһун көрүөхпүт диэн иһитиннэрдэ.
СӨ Ил Дарханын уонна СӨ Бырабыыталыстыбатын пресс-сулууспата.