Ытыктабыллаах спортсменнар, тириэньэрдэр, физкултуура, успуорт хамсааһынын бэтэрээннэрэ, физическэй култуура уонна успуорт эйгэтин үлэһиттэрэ!
Саха Өрөспүүбүлүкэтин бырабыыталыстыбатын уонна тус бэйэм ааппыттан эһигини Физкультурник күнүнэн эҕэрдэлиибин!
Быйыл Физкультурник күнэ Аҕа дойду Улуу сэриитигэр Кыайыы 75 сылыгар ыытыллар. Бу даатаны бэлиэтиирбитигэр биһиэхэ эйэлээх халлаан анныгар олорор кыаҕы биэрбит дьону өйдүүбүт уонна кинилэринэн киэн туттабыт. Биһиги спортсменнарбыт билиҥҥи көлүөнэлэрэ Бүтүн Арассыыйатааҕы уонна норуоттар икки ардыларынааҕы күрэхтэһиилэргэ ситиһиилээхтик кыттан, эһээлэрин уонна хос эһээлэрин туһунан үтүө өйдөбүлү чиэстээхтик сүгэллэр.
Хомойуох иһин, быйыл хамсык турбутунан сибээстээн, саҥа тургутууну аастыбыт, ол эрээри төһө да ыарахаттар баалларын үрдүнэн, физическэй култуура уонна успуорт өрөспүүбүлүкэ социальнай-экэнэмиичэскэй сайдыытын биир сүҥкэн суолталаах чахчытынан буолаллар. “Успуорт – олох ирдэбилэ” федеральнай бырайыак чэрчитинэн биһиги өрөспүүбүлүкэҕэ физическэй култууранан уонна успуордунан, ордук оҕолор уонна ыччат ортотугар тиһиктээхтик дьарыктанар дьон ахсаанын элбэттибит.
Бүтүн Арассыыйатааҕы уонна норуоттар икки ардыларынааҕы түһүлгэҕэ биһиги спортсменнарбыт ситиһиилээхтик кыттан, Саха сирэ Арассыыйа саамай успуордунан үлүһүйэр эрэгийиэннэртэн биирдэстэринэн буоларын көрдөрдүлэр уонна оннук да ааттаныаҕа.
Бүгүн өрөспүүбүлүкэҕэ маассабай физическэй култуура көхтөөхтүк сайдан, чөл олоҕу таптааччылары бэйэтин кэккэтигэр тардар. Маныаха эһиги үтүөҕүт улахан. Эһиги күннээҕи үлэҕит уонна дьон олоҕун үчүгэй өттүгэр уларытыыга дьулуһуугут, кинилэргэ чөл олох суолталааҕын көрдөрөргүт саамай үрдүк сыанабылы уонна билиниини ылыан ылар.
Успуордунан ханнык баҕарар сааска дьарыктаныахха сөптөөх диэн холобур буолар, бэйэтин сүгүрүйээччилэрин успуортка ситиһиилэринэн үөрдээччилэргэ, биһиги спортсменнарбыт кыайыыларыгар көмөлөһөөччүлэргэ, өрөспүүбүлүкэҕэ физическэй култуура уонна успуорт сайдыытын туһугар туруулаһааччыларга махтанабын.
Спортсменнары, тириэньэрдэри, физкултуура, успуорт хамсааһынын, физическэй култуура уонна успуорт эйгэтин үлэһиттэрин бырааһынньыккытынан эҕэрдэлиибин. Күндү доҕоттор, эһиэхэ баҕарабын саҥа ситиһиилэри, чаҕылхай кыайыылары, өрө көтөҕүллүүнү!
Ытыктабылы кытта Саха Өрөспүүбүлүкэтин бырабыыталыстыбатын
бэрэссэдээтэлин солбуйааччы э.т. Сергей Местников