Сергей Местников: «Быйыл үрдүк үөрэххэ туттарсааччылар эрэ эксээмэнниэхтэрэ»

Коронавирус пандемиятынан сибээстээн үөрэх дьыла ыам ыйын бүтүүтэ түмүктэниэҕэ. СӨ бырабыыталыстыбатын бэрэссэдээтэлин солбуйааччы Сергей Местников эксээмэннэр болдьохторун туһунан иһитиннэрэр.

— Сүрүн судаарыстыбаннай эксээмэн (ОГЭ) уонна Биир кэлим эксээмэн (БКЭ) болдьохторо, хайдах быһыылаахтык ыытыллаллара уларыйарын туһунан РФ Үөрэҕин министиэристибэтэ иһитиннэрбитэ. Онон, тохсус кылааһы бүтэрээччилэр эксээмэннэрэ (ОГЭ) ыытыллыбат былааннанна, үөрэнээччи сыллааҕы сыаналарын көрөн түмүккэ туруоруохтара.  

Оттон БКЭ (ЕГЭ) болдьоҕо көһөн биэрдэ — барыллаан атырдьах ыйыгар ыытыллар диэн. 

БКЭ-ни быйыл үрдүк үөрэх кыһатыгар үөрэниэн баҕалаахтар эрэ туттарыахтара. Атын выпускниктар хайаан да эксээмэнниэхтээх математика уонна нуучча тылын биридимиэттэрин туттараллара былааҥҥа суох.

Аҕыйах кэминэн болдьохтор уонна рекомендациялар биллиэхтэрэ.

Ил Дархан уонна бырабыыталыстыба пресс-сулууспата.

Хаартыскаҕа Мария Васильева түһэриитэ.