Күндү доҕоттор, Саха сирин ытыктабыллаах олохтоохторо!
Бэс ыйын 1 күнүгэр аан дойдуга барытыгар Оҕо аан дойдутааҕы көмүскэлин күнэ бэлиэтэниэҕэ.
Үүнэр көлүөнэ туһугар кыһамньы биһиги хампаанньабытыгар хаһан да куолутугар эрэ буолбатаҕа – кыһамньыбытын мэлдьи чопчу дьыаланан уонна быһаарыынан тириэрдэбит.
АЛРОСА биһиги оҕолорбут билиҥҥилэрэ уонна инникилэрэ дьоллоох, интэриэһинэй уонна чаҕылхай буоларыгар аналлаах уонунан уонна сүүһүнэн бырайыагы олоххо киллэрэр. Ону биһиги бэйэбит эбэтэр кэмиэрчэскэйэ суох тэрилтэлэри, холобур, Саха Өрөспүүбүлүкэтин Үүнэр көлүөнэ тус сыаллаах пуондатын, кытары оҥоробут. Бу пуонданы кытары бииргэ үлэлээһиммит көмөтүнэн аҥаардас кэнники биэс сылга өрөспүүбүлүкэ куораттарыгар уонна сэлиэнньэлэригэр 13 социальнай эбийиэк, ол иһигэр саҥа оскуолалар уонна үөрэх тэрилтэлэрэ, үлэҕэ киирдилэр. Уһук Илиҥҥэ биир улахан Доруобуйаны чөлүгэр түһэрэр өрөспүүбүлүкэтээҕи киин Дьокуускайга, Хаандыга бөһүөлэгэр Оҕо эстетическэй киинэ, Аммаҕа В.В.Черемных аатынан оҕо ускуустубатын оскуолата, Ньурбаҕа Инбэлиит оҕолорго өрөспүүбүлүкэтээҕи киин утуйар куорпуһа, Мииринэй куоракка сокуоннай саастарын ситэ илик оҕолорго “Харысхал” социальнай-чөлүгэр түһэрэр киин, Нерюнгри куоракка футбол оскуолатын интэринээтин утуйар куорпуһа, Абый уонна Сунтаар улуустарыгар оскуолалар уо.д.а. эбийиэктэр үлэҕэ киирдилэр. Манна Саха сирин эдэр олохтоохторо үөрэнэр, успуордунан дьарыктанар, айар кыахтарын арыйар кыахтаахтар. АЛРОСА төлүүр дивиденнэринэн кэнники сылларга Бүлүү, Үөһээ Бүлүү, Сунтаар, Анаабыр, Өлөөн улуустарыгар оҕо уһуйааннара уонна оскуолалар тутулуннулар.
Саха сирин ыраах сытар оройуоннарыгар аныгы оскуолалары уонна балыыһалары тутуу, оҕо сайыҥҥы сынньалаҥын, эмтэниитин үбүлээһин, хас биирдии маннык бырайыак – биһиги үөрэрбитигэр үчүгэй төрүөт.
Түгэнинэн туһанан, оҕо быраастарыгар уонна учууталларга ытыктабылбын уонна махталбын биллэриэхпин баҕарабын. Кинилэрэ суох биһиги бырайыактарбыт суох буолуо этилэр. Оҕолору күн аайы бэйэлэрин болҕомтолорунан уонна тапталларынан тулалааччыларга, кинилэргэ саҥа билиини биэрээччилэргэ, кинилэр доруобуйаларыгар кыһаллааччыларга махтанабын.
Дьиэ кэргэн, уопсастыба, судаарыстыба уонна биисинэс күүһүн түмэн, биһиги оҕолорбут үчүгэйдик олорор эйгэлэрин оҥорор кыахтаахпытыгар эрэллээхпин.
Сергей ИВАНОВ,
АЛРОСА генеральнай дириэктэрэ.