Сергей Иванов: «Дьаҥы утары үлэҕэ 800 мөл. солк. инвестициялааһын оҥорбуппут»

Бөлөххө киир:

— Өрөспүүбүлүкэ Ил Дархана Айсен Николаев хамсык дьаҥын утары үлэ, үөскээбит быһыы-майгы туһунан Анал этиитигэр эттэ. Кырдьык, олунньуттан саҕалаан быһыы-майгы тосту уларыйан барбыта.

Бастатан туран, биһиги хампаанньабыт үлэһиттэрин итиэннэ кэккэ улуустар олохтоохторун доруобуйаларынан дьарыктаммыппыт. Өрөспүүбүлүкэ салалтата хамсык дьаҥын утары охсуһууга мэдиссиинискэй анал тэрилинэн хааччыйыыга этии киллэрэн, муус устартан саҕалаан харыстыыр сириэстибэлэри, ИВЛ аппарааттары атыылаһан биэрбиппит. Уопсайа, бу дьаҥы утары үлэҕэ 800 мөлүйүөн солкуобай кэриҥэ үбүнэн инвестициялааһын оҥорбуппут. Сотору бу суума 1 миллиард солкуобайга тиийиэхтээх. Биһиги маны дьон-сэргэ доруобуйатыгар инвестициялааһын диэн ааҕабыт. Дьолго, тыһыынчанан киһи олоҕун өрүһүйдүбүт. Түгэнинэн туһанан, Саха сирин эмчиттэригэр махталбын тириэрдиэм этэ.

Онтон үп-харчы балаһыанньатын туһунан этэр буоллахха, сыл иккис кыбаарталыгар атыы-эргиэн түһэ да сырыттар, хампаанньа өрөспүүбүлүкэ бүддьүөтүгэр 40-ча миллиард солкуобайы киллэриэхтээх. Бу ааспыт сыллааҕар арыый да кыра көрдөрүү.

edersaas.ru

+1
0
+1
0
+1
0
+1
0
+1
0
+1
0
+1
0